• ЦЕРКОВНЫЙ КАЛЕНДАРЬ

• ЦЕРКОВНЫЙ КАЛЕНДАРЬ
#ЦерковныйКалендарь #РПЦ #ДуховнаяПища #ПравославныйКалендарь
11 февраля
ПЯТНИЦА
Новый стиль
24 февраля Показать ещё
3-я приуготовительная седмица к Великому посту. Седмица cырная (мясопустная) - сплошная

Исключается мясная пища. Глас 3-й
Сщмч. Вла́сия Севастийского, епископа (ок. 316); блгв. кн. Все́волода, во Святом Крещении Гаврии́ла, Новгородского, Псковского чудотворца (1138); прп. Дими́трия Прилуцкого, игумена Вологодского (1392); прп. Кассиа́на Босого, Волоколамского (1532).
Прав. Феодо́ры, царицы Греческой, восстановившей почитание святых икон (ок. 867).

На 6-м часе: Зах. 8:7–17. На веч.: Зах. 8:19–23. Паримии Богородицы из книг: 1. Быт. 2. Иез. 3. Притч., или паримии святителя из книг: 1. Притч. 2. Притч. 3. Прем. ** Если 12 февраля будет совершаться полиелейная служба в честь Иверской иконы Божией Матери, то на вечерне после паримии Триоди – три паримии Богородицы. Если же 12 февраля будет совершаться полиелейная служба в честь святителя Алексия, то на вечерне после паримии Триоди – три паримии святителя.

Тропарь священномученику Власию, епископу Севастийскому , глас 4
И нра́вом прича́стник,/ и престо́лом наме́стник апо́столом быв,/ дея́ние обре́л еси́, Богодухнове́нне,/ в виде́ния восхо́д,/ сего́ ра́ди, сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Вла́сие./ Моли́ Христа́ Бо́га// спасти́ся душа́м на́шим.

Тропарь благоверному князю Всеволоду, в Крещении Гавриилу, Псковскому, глас 4
Измла́да яви́лся еси́, Богому́дре кня́же Гаврии́ле,/ Боже́ственный сосу́д, избра́н Бо́гови,/ благоче́стием воспита́н, ве́ру непоро́чну соблю́д/ и мно́ги святы́я це́ркви устро́ив,/ изгна́ние претерпе́л еси́ от свои́х,/ я́коже и целому́дрии прароди́тели твои́, от бра́та убие́ние./ С ни́миже предстоя́ Святе́й Тро́ице,/ моли́ся держа́ве Росси́йстей сохране́нной бы́ти // и всем нам спасти́ся.

Ино величание благоверному князю Всеволоду, в Крещении Гавриилу, Псковскому
Ублажа́ем тя,/ благове́рный кня́же Гаврии́ле,/ и чтим обре́тение честны́х моще́й твои́х,/ и ны́не мо́лиши за нас// Христа́ Бо́га на́шего.

Тропарь преподобному Димитрию, игумену Прилуцкому, Вологодскому, глас 1
Свы́ше от Бо́га, преподо́бне,/ благода́ть прия́л еси́ духо́вную,/ и от Него́ у́бо позна́лся еси́, блаже́нне,/ Того́ ра́ди и ты ду́хом позна́л еси́ лу́чшая Его́,/ бу́дущаго ве́ка пребыва́ние,/ и по́стнически испыта́вся во свои́х оби́телех./ И ны́не со а́нгели ликовству́я,/ Спа́су всех за ны моли́ся, свя́те Дими́трие, да вси вопие́м:/ Сла́ва Да́вшему ти кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.

Тропарь преподобному Димитрию, игумену Прилуцкому, Вологодскому, ради сретения его образа в Вологде, глас 4
Возсия́ днесь, я́ко со́лнце,/ пречестны́й о́браз священноле́пнаго твоего́ подо́бия,/ па́че со́лнца луча́ми чуде́с твои́х всех озаря́я,/ тьму бесо́вскую без ве́сти творя́,/ его́же ра́достно срета́ху,/ духо́вныя ли́ки соста́вльше,/ непреста́нно вопие́м ти:/ Дими́трие, о́тче наш, моли́ Спа́са всех/ сохрани́ти град твой и страну́ на́шу,/ ста́ду твоему́ спасе́ние подава́я// и ве́лию ми́лость.

Тропарь праведной Феодоре, царице Греческой, глас 5
Во святы́х ди́вная,/ благове́рная цари́це Феодо́ре,/ нетле́нием моще́й и чуде́с сия́нием почти́ тя́ Бо́г;/ помина́юще твое́ пра́ведное житие́,/ тя́ мо́лим испроси́ти// телесе́м на́шим здра́вие и душа́м спасе́ние.

ТРОПАРЬ В ПЯТНИЦУ, св. Кресту, глас 1
Спаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.