• ЦЕРКОВНЫЙ КАЛЕНДАРЬ

• ЦЕРКОВНЫЙ КАЛЕНДАРЬ
#ЦерковныйКалендарь #РПЦ #ДуховнаяПища #ПравославныйКалендарь
ПЯТНИЦА
Новый стиль
3 марта
Седмица 1-я Великого поста Показать ещё
Постный день. Глас 4-й

Свт. Льва I, папы Римского (461).
Прп. Космы́ Яхромского (1492); свт. Агапи́та исп., епископа Синадского (Фригийского) (IV); свт. Флавиа́на исп., патриарха Цареградского (449–450).
Исп. Влади́мира (Терентьева), игумена (1933).

На 6-м часе: Ис. 3:1–14. На веч.: Быт. 2:20 – 3:20. Притч. 3:19–34*. * Если в субботу, 19 февраля, будет совершаться полиелейная служба сщмч. Ермогена, то на вечерне – паримии Триоди и святителя.

Тропарь святителю Льву, папе Римскому, глас 8
Правосла́вия наста́вниче,/ благоче́стия учи́телю и чистоты́,/ вселе́нныя свети́льниче, архиере́ев Богодухнове́нное удобре́ние,/ Льве прему́дре,/ уче́ньми твои́ми вся просвети́л еси́, цевни́це духо́вная.// Моли́ Христа́ Бо́га спасти́ся душа́м на́шим.

Кондак святителю Льву, папе Римскому, глас 3
На престо́ле, сла́вне, свяще́нства сед/ и львов уста́ слове́сных загради́в,/ до́гматы Богодухнове́нными Честны́я Тро́ицы озари́л еси́ свет Богоразу́мия твоему́ ста́ду./ Сего́ ра́ди просла́вился еси́// я́ко Боже́ственный таи́нник Бо́жия бла́годати.

Преподобному Косме, игумену Яхромскому
Тропарь преподобному Косме, игумену Яхромскому, глас 4
Го́рняго жела́я преми́рнаго жития́,/ до́льняя возненави́дел еси́,/ и, взем крест свой, после́довал еси́ Христу́,/ и в пусты́ню всели́лся еси́, досточу́дне,/ в ней подвиза́ся в пе́ниих, в бде́ниих и поще́ниих./ Те́мже в тя всели́ся Пресвяты́й Дух,/ но я́ко име́я дерзнове́ние ко Христу́ Бо́гу,/ испроси́ лю́дем правосла́вным здра́вие и спасе́ние/ и не забу́ди посеща́я чад свои́х,/ соверша́ющих свяще́нную па́мять твою́,// Космо́, преподо́бне о́тче наш.

Кондак преподобному Косме, игумену Яхромскому, глас 8
Душе́вныя стра́сти из ко́рене исторга́я,/ в пусты́ню всели́лся еси́, преподо́бне,/ и неболе́зненную жизнь в боле́знех восприя́л еси́,/ боле́знем же лю́тым уставля́еши озлобле́ния прося́щим у тебе́ с ве́рою./ Те́мже разреши́ боле́зни на́ша душе́вныя и теле́сныя, да зове́м ти:// ра́дуйся, Космо́ Богому́дре.

В пятницу, св. Кресту
ТРОПАРЬ В ПЯТНИЦУ, св. Кресту, глас 1
Спаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.