ЦЕРКОВНЫЙ КАЛЕНДАРЬ

• ЦЕРКОВНЫЙ КАЛЕНДАРЬ

СРЕДА

Новый стиль

21 июня

Седмица 3-я по Пятидесятнице

Апостольский пост

Постный календарь. Глас 1-й

Вмч. Фео́дора Стратилата (319).

Свт. Фео́дора, епископа Ростовского и Суздальского (1023); Обре́тение мощей блгвв. кнн. Васи́лия и Константина Ярославских (1501); прп. Ефре́ма, патриарха Антиохийского (545); прп. Зоси́мы Финикийского (VI).

Икон Божией Матери: Ярославская (XIII); Урюпинская (1827).

Тропарь великомученику Феодоpу Стpатилату, глас 4

Воинствосло́вием и́стинным, страстоте́рпче,/ Небе́снаго Царя́ воево́да предо́брый был еси́, Фео́доре:/ ору́жиями бо ве́ры ополчи́лся еси́ му́дренно/ и победи́л еси́ де́монов полки́,/ и победоно́сный яви́лся еси́ страда́лец./ Те́мже тя ве́рою// при́сно ублажа́ем.

Тропарь святителю Феодору, епископу Ростовскому и Суздальскому, глас 8

В моли́твах бдя, се́рдцем же о ста́де твое́м вы́ну боле́знуя,/ уче́нием свои́м всех просвети́л еси́, Фео́доре прему́дре,/ те́мже Христа́ Бо́га моли́,// в день па́мяти твоея́ дарова́ти нам ве́лию ми́лость.

Тропарь благоверным князьям Василию и Константину Ярославским, на обретение мощей, глас 2

Ва́ше оте́чество хва́лится обагре́нием крове́й ва́ших,/ Це́рковь же Бо́жия ра́дуется,/ прие́мши телеса́ ва́ша,/ лю́дие, пе́сненный лик соста́вльше,/ духо́вною цевни́цею вопию́т:/ лику́й, Васи́лие, ра́дуйся, Константи́не,// Яросла́влю сла́во и всей Росси́и ра́досте.

Ин тропарь благоверным князьям Василию и Константину Ярославским, глас 8

Возвы́сившеся на доброде́тель, к жела́нию кра́йнему,/ и достиго́сте к Небе́сней высоте́,/ благове́рнии вели́цыи кня́зи Васи́лие и Константи́не,/ и безстра́стным житие́м украси́сте ду́ши своя́,/ поще́нием же изря́дно победи́сте бесо́вския полки́/ и восприя́сте чи́стую со́весть,/ в моли́твах я́ко безпло́тнии пребы́сте,/ возсия́сте в ми́ре, а́ки со́лнце, пресла́внии,// моли́те спасти́ся душа́м на́шим.

Тропарь Пресвятой Богородице пред иконой Ея «Урюпинской», глас 3

Яви́лася еси́ на дре́ве в Донско́й земли́,/ благода́тная Твоя́ ико́на, Богоро́дице,/ больны́я исцеля́ти, заблу́ждшия обраща́ти;/ те́мже уми́льно мо́лимся Тебе́:/ изба́ви град наш от вся́каго зла// и спаси́ лю́ди, к Тебе́ притека́ющия.

ТРОПАРЬ В СРЕДУ, св. Кресту, глас 1

Спаси́, Го́споди, лю́ди Твоя́/ и благослови́ достоя́ние Твое́,/ побе́ды на сопроти́вныя да́руя// и Твое́ сохраня́я Кресто́м Твои́м жи́тельство.

КОНДАК В СРЕДУ, св. Кресту, глас 4

Вознесы́йся на Крест во́лею,/ тезоимени́тому Твоему́ но́вому жи́тельству,/ щедро́ты Твоя́ да́руй, Христе́ Бо́же,/ возвесели́ нас си́лою Твое́ю,/ побе́ды дая́ нам на сопоста́ты,/ посо́бие иму́щим Твое́ ору́жие ми́ра,// непобеди́мую побе́ду.