ПРАВОСЛАВНЫЙ ЦЕРКОВНЫЙ КАЛЕНДАРЬ

ПРАВОСЛАВНЫЙ ЦЕРКОВНЫЙ КАЛЕНДАРЬ
• ЦЕРКОВНЫЙ КАЛЕНДАРЬ
#ЦерковныйКалендарь #РПЦ #ДуховнаяПища #ПравославныйКалендарь
ЧЕТВЕРГ
Новый стиль
16 февраля Показать ещё
2-я приуготовительная седмица к Великому посту
Поста нет. Глас 2-й
Попразднство Сретения Господня. Правв. Симео́на Богоприимца и Анны Пророчицы; равноап. Николая (Касаткина), архиепископа Японского (1912).
Блгв. кн. Романа Угличского (1285); свт. Симео́на, епископа Полоцкого и Тверского (1289); свт. Игна́тия Мариупольского, митрополита (1786); прор. Аза́рии (X в. до Р. Х.); мчч. Па́пия, Диодо́ра и Клавдиа́на (250); мчч. Адриа́на и Евву́ла (ок. 308–309); мч. Вла́сия (Вуко́ла) Кесарийского (Каппадокийского) (III).
Сщмчч. Иоа́нна Томилова, Тимофе́я Изотова, Адриа́на Троицкого, Васи́лия Залесского, пресвитеров, прмч. Влади́мира (Загребы), иеромонаха и мч. Михаила Агаева (1938).

1 Ин. 4:20 – 5:21 (зач. 74). Мк. 15:1–15 (зач. 66). Прав.: Евр. 9:11–14 (зач. 321 от полу́). Лк. 2:25–38* (зач. 8). * Если совершается полиелейная служба равноап. Николая, то на утрене читается Ин. 10:1–9 (зач. 35 от полу́), а на литургии – чтения дня и равноапостольного: Евр. 13:17–21 (зач. 335). Мф. 5:14–19 (зач. 11) (или Евр. 7:26 – 8:2 (зач. 318). Ин. 10:9–16 (зач. 36)). Если служба правв. Симеона Богоприимца и Анны пророчицы не совершается, то чтения праведного не читаются

Тропарь Сретению Господню, глас 1
Ра́дуйся, Благода́тная Богоро́дице Де́во,/ из Тебе́ бо возсия́ Со́лнце Пра́вды, Христо́с Бог наш,/ просвеща́яй су́щия во тьме./ Весели́ся и ты, ста́рче пра́ведный,/ прие́мый во объя́тия Свободи́теля душ на́ших,// да́рующаго нам воскресе́ние.

Тропарь праведному Симеону Богоприимцу, глас 4
Симео́н ста́рец днесь весели́тся,/ восприя́т на руку́ свою́ Младе́нца Преве́чнаго Бо́га,/ от уз пло́ти разреши́тися прося́/ и вопия́:/ ви́деста о́чи мои́// спасе́ние Твое́ ми́рови.

Тропарь праведным Симеону Богоприимцу и Анне Пророчице, глас 1
Ра́дуйся, Богоприи́мче ста́рче Симео́не,/ во объя́тия прие́мый Спа́са Го́спода./ Весели́ся и ты, честна́я проро́чице А́нно,/ возвести́вши прише́ствие в мир Христа́ Бо́га на́шего,/ сокруши́вшаго держа́ву вра́жию// и подаю́щего нам ве́лию ми́лость.

Кондак праведным Симеону Богоприимцу и Анне Пророчице, глас 8
Во избра́нных Бо́жиих, блаже́нне ста́рче Симео́не,/ на Небеси́ предстои́ши пред лице́м Христа́ Бо́га,/ Его́же во хра́ме, я́ко Младе́нца руконоси́маго,/ во объя́тия своя́ от всепречи́стых рук прия́л еси́/ и со А́нною проро́чицею я́ко Бо́га испове́дал еси́./ Те́мже похва́льными гла́сы ублажа́ем вас:/ ра́дуйся, Богоприи́мче ста́рче Симео́не,/ ра́дуйся, проро́чице честна́я А́нно,// ра́дуйтеся, Бо́га во пло́ти позна́вшии.

Тропарь равноапостольному Николаю, архиепископу Японскому, глас 4
Апо́столов единонра́вне и сопресто́льне,/ служи́телю Христо́в ве́рный и Богому́дрый,/ цевни́це избра́нная Боже́ственнаго Ду́ха,/ сосу́де преизлива́ющийся любве́ Христо́вы,/ Япо́нския земли́ просвети́телю,/ святы́й Нико́лае, иера́рше равноапо́стольне,/ моли́ся Живонача́льней Тро́ице/ о всем твое́м ста́де// и о всем ми́ре.

Тропарь благоверному князю Роману Угличскому, глас 4
От младе́нства яви́лся еси́,/ правове́рный кня́же Рома́не,/ и́збран от Бо́га/ благоче́стия столп необори́м,/ ве́ру непоро́чну соблю́л еси́,/ моли́твами и ми́лостынею и посто́м Бо́гу угоди́л еси́;/ те́мже и по сме́рти яви́ся све́тлость жития́ твоего́,/ исцеля́еши бо неду́ги немощству́ющих,/ ве́рою притека́ющих ко свято́му твоему́ гро́бу./ Сего́ ра́ди вопие́м ти:/ ра́дуйся, уго́дниче Бо́жий Рома́не,// гра́да Углеча похвало́ и утвержде́ние.

Тропарь священномученикам Адриану Троицкому и Михаилу Березину, глас 8
Я́коже пло́д кра́сный спаси́тельнаго се́яния Христо́ва, но́выя му́ченицы благоуго́дныя же́ртвы показа́шася Царю́ и Бо́гу, свяще́нне Адриа́не, учи́телю ве́ры и пропове́дниче Благода́ти, и Михаи́ле, о́бразе смире́ния и незло́бия: сего́ ра́ди дре́вних страстоте́рпцев венцы́ равноче́стныя прия́сте от Подвигополо́жника. Того́, я́ко Бла́га, моли́те спасти́ся, мо́лимся, душа́м на́шим.

ТРОПАРЬ В ЧЕТВЕРГ, св. апостолам, глас 3
Апо́столи святи́и,/ моли́те Ми́лостиваго Бо́га,/ да прегреше́ний оставле́ние// пода́ст душа́м на́шим.

ТРОПАРЬ В ЧЕТВЕРГ, святителю Николаю, глас 4
Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ Я́же веще́й И́стина./ Сего́ ра́ди стяжа́л еси́ смире́нием высо́кая,/ нището́ю бога́тая,/ о́тче священнонача́льниче Нико́лае,/ моли́ Христа́ Бо́га,// спасти́ся душа́м на́шим.